جحود حبيب

انتظرته كثيراً بجانب هاتفي 

أتحسس النغمات والرنات وأظنها له 

فأجري مسرعةً نحوه كي يبرد قلبي من الأنين فإنه حب السنين 

ولكن لم يزل قاسي القلب 

جاحد بالمشاعر 

بخيل بالكلمات والعبرات 

وكأنه يسلخها من جلده الحي  

 وفي يوم زاد الرنين اندهشت 

إنه هو بالتأكيد لقد فاق من غيبوبة السنين

وفتحت الهاتف أنتظر منه الكلمات والحنين وذكريات عشناها سنين 

الصدمة ما لقيت منه غير جحود وبصوت كله برود 

لقيته بيقول 

ازيك واخبارك ايه وحياتك عامله فيها ايه

نزلت دموعي بدون كلام ولقيت سكوتي في ردي هان

 لقتني بتكلم لجوه معرفش ليه الصوت أبى الطلوع

 لقيته  بيردد حياتك عامله فيها إيه 

دنا معرفتش بعدك حياة 

وكنت بالنسبه لي نبض الحياة 

من بعدك انت وانا دمي جف 

ونبضي حبه حبه بدا يخف 

مستني منك أي شي ومع انه ملقاش في حبك أي شي 

لقيته فوقني وقال لي رُحتي فين ومردتيش على السؤال 

هزيت براسي واتفجعت كأني كنت بناجي نفسي في وحدتي 

وبسرعة رديت وبصوت مبحوح كله تمام عايشه وسعيده في الحياة 

طمني إيه أخبارك انت عايش سعيد 

حققت احلامك  

وعايش سلام مع نفسك الي ياما حكيت عليه وكنت بقطعه بنكدي وزني معاك 

سامحني بقه يا حبيبي كان غصب عني مهو كله من حُبي وخوفي عليك زمان اقصد اقول كان وقتها دلع بنات واهو راح لحاله واديك خلصت منه واترحمت  

رد عليه وكله حماس كله تمام  

رديت وقلت طيب تمام طب بس قُلي سر اتصالك 

مهو غريبه اني جيت في بالك

رد ودبحني برده دا وقال لي حاجه ضايعه مني 

وقلت هي اكيد معاكي وهتنقذيني في ضالتي 

رديت وقلت يا فرحتي 

راح قالي فاكره المحفظه كان فيها اوراقي وامتحانات الهندسه 

كان فيها ورقه مكتوب عليها نمرة زميلة لينا  في الهندسة 

كتبتها ليه خوفاً تضيع او تتنسي وقابلتها من تاني واخدنا الكلام  

واستحيت اطلبها منها لتعرف اني فقدتها 

محتاجها جداً ولو سمحتي دوريلي عليها وأكون شاكر ليك يا باش مهندسه

رديت وقلت بس كده دا اقل واجب يا باش مهندس اني اديها لك مهو انت فعلا تستاهلها 

اصبر هدور ع الرقم مكتوب معايه اظن وفي ذهني اتحفر 

بس ابقى قلي ع النهايه واعزمني حتى ع الفرح دا لو طرح

حكمة وقالوها كتير زمان مهو من الغباء انك تدور ع السعاده في طريق قديم دورت ياما سنين عليه

 ما جنتش منه غير الوجع 

بقلمي/آيات كاظم